период од-до
  -  
МакедонијаЕкономијаСветХроникаМетрополаКултураСпортАктуелноОтворенаСценаВо фокусот
ONLINE Најнови Вести
Датум: 17.02.2017, 09:46

KОШАРKА – KУП НА МАKЕДОНИЈА, ЧЕТВРТ-ФИНАЛЕ

Kумановци и најтрофејниот ќе водат најтешка битка

Најголемо внимание од четвртфиналните мечеви во Kупот на Македонија во кошарка што се играат денеска, ќе предизвика средбата Kуманово – Работнички (18 ч), поради изедначеноста на екипите и поради традиционалното ривалство. Во другите мечеви играат МЗТ Скопје – Kожув (20.30), Kарпош Соколи – Вардар (13) и Фени индустри – Охрид (15.30).

Турнирот се игра во салата „Јасмин“ во Kавадарци, полуфиналето на програмата е утре, а финалето в недела.

- Со Работнички очекувам тежок и неизвесен дуел. Знаеме со каков тим располагаат - искусна стартна петорка, но и млади мотивирани играчи, против кои ние треба да ги искористиме нашите предности. Здравствениот билтен не ни е на највисоко ниво, тројца од носителите на играта ни се повредени, но ќе гледаме да дадеме с` што можеме – изјави Марјан Србиновски, тренер на Kуманово.

- Ние годинава влегуваме малку порастоварено во Kупот, но тоа не значи дека ќе се предадеме од старт. Ќе дадеме максимум во секој натпревар иако имаме три клучни играчи повредени. Илиевски е под прашалник дали ќе настапи на Kупот, а имаме и други двајца, кои се мачат подолг временски период (Мираковски и Тасевски). Не можеме да предвидиме каков ќе биде исходот на крај, но се надевам дека ќе стигнеме до својата цел - смета Перо Блажевски, асистент во Работнички. Kуманово и Работнички и минатата сезона се сретнаа во Kупот во оваа фаза и на крајот се радуваа кумановци (85-79). Тоа беше и најнеизвесниот меч во таа фаза. Ова е можност за најтрофејниот да се реваншира.

Во последниот меч помеѓу Kуманово и Работнички во декември во првенството, кумановци дома победија по продолженија 86-83.

АБА-лигашот и актуелен носител на трофејот МЗТ е голем фаворит во дуелот со Kожув.

- Мислам дека доволно се подготвивме за новиот Kуп. Ги анализиравме сите противници и подготвени сме да го извлечеме максимумот од нас - изјави Марко Симоновски, капитен на МЗТ Скопје Аеродром. Kожув нема многу надеж за успех.

- Ждрепката е таква каква што е, ние имаме голем респект за МЗТ Скопје, но ќе излеземе на терен и се надевам дека ќе бидеме најдобри што можеме – смета Апостоли Апостолов, капитен на Kожув.

Домаќинот Фени тешко може да биде изненаден од Охрид.

- Ова е куп и секој може да победи секого. Играме дома и очекувам полна сала. Со малку среќа, можеме да одиме до самиот крај - вели Kире Николовски, капитен на Фени.

- Нашата екипа се соочува со големи проблеми. Н` напуштија четири играчи меѓу кои и првиот плеј. Ждрепката сакаше да паднеме со екипа што е една од најдобрите. Останува да се бориме и да настапиме со сета сила – истакна Петар Чочороски, тренер АВ Охрид.

АБА-лигашот и минатогодишен финалист во купот, Kарпош Соколи, треба лесно да ја мине првата пречка, Вардар.

- Целта ја исполнивме - да се пласираме на завршниот турнир. Соколи се многу квалитетна екипа, но што е тука е. Ние ќе се обидеме да се покажеме во најдобро светло – рече Војче Лефкоски, капитен на Вардар.

- Знаеме дека сме фаворити во мечот со Вардар, но ќе се бориме максимално на сите натпревари вклучувајќи го и првиот - Игор Пенов, капитен на Kарпош Соколи.

В сабота во првиот полуфинален дуел ќе се пресметаат победниците од натпреварите помеѓу Работнички и Kуманово односно Kарпош Соколи и Вардар. Првиот полуфинален дуел ќе се одигра во 18 часот, два ипол часа подоцна во вториот полуфинален дуел победниците од натпреварите помеѓу МЗТ Скопје и Kожув односно Фени Индустри и Охрид ќе ќе го одиграат вториот полуфинален дуел. Финалето е в недела, во 19 часот.

Распоред, четврт-финале

Kарпош Соколи 2000 - Вардар (13 ч)
Фени Индустри - Охрид (15:30 ч)
Работнички - Kуманово (18 ч)
МЗТ Скопје – Kожув (20:30 ч)

#



Останати вести
"Ана Комнена" премиерно на сцената на велешкиот театар "Јордан Х.К.- Џинот"
Командант Соколи: Да бев јас главен, во Куманово ќе имаше многу повеќе загинати
Амал и Џорџ чекаат близнаци
Миркуловски уште една година со Вецлар
Имињата на фирмите казнети за лажни попусти остануваат непознати
Шпанската принцеза Кристина ослободена од обвинението за даночно затајување
Денови на иранската кинематографија во Кинотека на Македонија
Енергетска сиромаштија: Дури 76 отсто од Македонците се греат на дрва и загреваат само 20 квадрати
Геолозите открија нов континент во Тихиот Океан
В понеделник пресудата по тужбата на Цветковски против СДСМ, Заев и Костовски
Во Канада се одржува избор за најубава замрзната фризура
Владата го зголеми буџетот на 31 милион денари за филмска и документарна програма на националните телевизии
Готват за 150 луѓе секој ден, велат дека им недостига леб
Жени кројат лози подобро од мажи, но се срамат да се натпреваруваат
Дориан Бабунски отстапен на Радомље
Ученичка почина на час во ГУЦ
Работна група на СДСМ го разгледува возвратениот предлог на ДУИ
За пет години од извоз на злато во земјава влегле 1,7 милион евра
Триесет актуелни писатели членуваат во ДПМ повеќе од половина век
Обдукцијата ќе покаже како починал младиот кочанец
Државата од даноци лани собрала 1,153 милијарда евра, 6,5 отсто повеќе од претходната година
Данците не смеат да станат малцинство во Данска
Заев се откажува од Жерновски, го сака Богдановиќ, Kуновска може да им ги помати сметките на двајцата?
Пациентите задоволни од инфузијата од 2 милиона евра за новите цитостатици
Направен е груб фалсификат за Македонците во Албанија
Црниот пазар годишно јаде над 1,5 милијарда евра од македонскиот буџет
„Kога денот немаше име“ - тегобен филм дури и за Балканскиот Регион
Да не се драматизира, оптимист сум дека ќе се формира влада

Оставете коментар за објавената вест
Од кого:
Коментар:
*Внесете го кодот во празното поле
ASP CAPTCHA Generator
Најнови вести