период од-до
  -  
МакедонијаЕкономијаЕврорамаСветХроникаМетрополаКултураСпортОмнибусАктуелноОтворенаСценаВо фокусот
ONLINE Актуелно
Датум: 20.04.2017, 14:43

Вучиќ: Изразувањето на лични желби не придонесува за добри односи

Изјавите кои се однесуваат на обединување на Албанија и Косово се само во доменот на личните желби на поединци, но би ги замолил да не ги изнесуваат јавно, бидјеќи тоа не придонесува за развој на добрите односи во регионот, изјави новоизбраниот претседател на Србија и актуелен српски премиер Александар Вучиќ.

- Таквите изјави не продонесуваат за создавање на атмосфера на соработка и спроведување на заеднички проекти, рече Вучиќ, коментирајќи ја изјавата на албанскиот премиер Еди Рама за можно обединување на Албанија и Косово, доколку пропадне европската перспектива на земјите од регионот.

Вучиќ нагласи дека на сите им е јасно дека до обединување на Албанија и Косово нема да дојде, без разлика на нечии желби.

- Ние никого нема да навредуваме и нема да се закануваме со никакви изјави. Пред се размислуваме за економскиот напредок на Србија, порача Вучиќ на прес-конференција во Белград.

Рама завчера во интервју за бриселскиот весник „Политико“ изјави дека ако перспективата за членство на земјите од Западен Балкан во ЕУ продолжи да се намалува, тогаш би можело да се дојде и до обединување на Албанија со Косово.

#



Останати вести
Убиецот од Фресно мразел белци и мислел дека е во војна
Извршната директорка на Централниот регистар на хартии од вредност поднесе оставка
ММФ ја намали прогнозата на економски раст од 3,5 на 3,2 % за годинава
Заев се сретна со амбасадорите на Германија, Британија, Холандија, Шведска и Ирска

Оставете коментар за објавената вест
Од кого:
Коментар:
*Внесете го кодот во празното поле
ASP CAPTCHA Generator
Најнови вести